सिन्डिकेट तोड्दा चर्चामा आएको मयुँर यातायातले फेरी पाउने भयो चर्चा

काठमाडौँ ।

सिन्डिकेट तोडिने समयमा निकै चर्चामा अाएको मयुर यातायात प्रालीले ठुला विद्युतीय बस ल्याउनेभएको छ। विद्युतीय बसको लागि महिन्द्रा, आईटेल लगायतका कम्पनीसँग कुरा चलिरहेको कम्पनीले बताएको छ ।

‘भारतिय गाडी कम्पनीका प्रतिनिधिहरुसँग कुरा भैसकेको छ। अव चिनियाँ कम्पनीका गाडीको बारेमा बुझ्न चीन जाने तयारीमा छाँै, कुरा मिल्यो भने परिक्षणको लागि ५–७ वटा ल्याउछौ होला ’ मयुरका अध्यक्ष मोहनबहादुर श्रेष्ठले भने

‘सार्वजनिक यातयातको लागि ल्याएपछी ४० वटा जति सिट भएको बस ल्याउछौ र पहिले परिक्षणको लागि काठमाडौं उपत्यका भित्र चलाउछौं’ उनले भने ‘ विद्युतीय गाडीको समस्या भनेको चार्जिङको हो। चार्जिङ स्टेशनको राम्रो व्यवस्था नभइकन लामो दुरीमा चलाउन सकिदैन’।

काठमाडौंमा सार्वजनिक यातायतको लागि चलाउन सकिने ठुला विद्युतीय बसको करिव करिव ८० लाखको हारमहारीमा पर्छ ।
‘धेरै जना मयुर यातायातमा लगानी गर्न इच्छुक हुनुहुन्छ गाडी ल्याउन लगानीको अभाव भयो भने हामी सेयर होल्डर थप्छौ’ श्रेष्ठले भने।